A "Defensora del Pueblo" admite a queixa de C.XXI sobre sinalización viaria

A ‘Defensora del Pueblo’ española, María Luisa Cava de Llano y Carrió, admitiu a queixa presentada por Converxencia XXI sobre a presenza do galego na sinalización viaria das estradas do país.

Nun primeiro momento a queixa foi dirixida ó Valedor do Pobo galego que, lonxe de admitir as súas competencias nesta materia, desentendéuse da mesma e declaróuse incompetente instando a C.XXI a dirixir a súa queixa á figura do ‘Defensor del Pueblo’ español.

Cava de Llano indica no seu escrito que “una vez estudiada su queja […] procede admitirla al entender que reúne los requisitos establecidos en el artículo 54 de la Constitución“.
Conclúe informando que “En consecuencia, se iniciarán las actuaciones oportunas con el organismo administrativo competente. Tan pronto se reciba el informe que dicho organismo ha de remitir, se pondrá en su conocimiento el contenido del mismo y las actuaciones que en el caso concreto procedan“.

Dende Converxencia XXI agradecemos á ‘Defensora del Pueblo’ a súa profesionalidade, xa que admitindo esta queixa está cumprindo e facendo cumprir a lexislación vixente en materia viaria que indica que a sinalización debe estar “na lingua castelá e na outra lingua oficial da Comunidade Autónoma” e que “os topónimos galegos terán como única forma oficial a galega“.

Eis o comunicado oficial:

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.