O Comité Executivo Local de C21 vimos de valorar os resultados electorais obtidos este pasado domingo en Tui como discretos. O noso partido obtivo 603 votos, o 6,39% do apoio popular e un representante no consistorio, José Palacín, que manterá a súa acta. Isto permitiranos catro anos máis de percorrido e de servizo público.

Por suposto, partimos do agradecemento a esas persoas que confiaron en nós, ca firme promesa de non defraudar e de seguir traballando como ata agora. Tamén lamentamos non haber acadado a presidencia da Entidade Menor de Pazos de Reis por dous votos, a pesar da gran valía do equipo que se presentaba, liderado por Enrique Pérez.

En todo caso. imos a aportar sentido común, equilibrio, construtividade e absoluta lealdade, pero tamén seremos fiscalizadores e críticos cando proceda.

Unha vez felicitado ao PSOE, gañador dos comicios, e as demáis forzas que forman a Corporación (PP e BNG), facemos un chamamento oa entendemento entre as partes implicadas na gobernabilidade de Tui e advertimos que seremos duros contra os posicionamentos minimalistas e partidistas que redunden no bloqueo do desenrolo da economía e da sociedade tudense. Non consentiremos nin por acción nin por omisión catro anos case perdidos como os do mandato 2019 – 2023.

Por último, o noso candidato quere agradecer de corazón a todo o equipo de campaña o esforzo realizado, en condicións complexas e con unha carencia notable de medios, sobre todo en comparación das grandes maquinarias electorais.